قصيدة عن الفصول الاربعة

حيانا ً يستيقظ القلب على صوت ألحان قصائد
كُتبت بالحُب والدمع وصفاء التضحيات
سيبقى الشعر جواد كريم علينا معشر الشعراء
هذه مجموعة قصائد أتمنى أن ترقى لقلوبكم البيضاء.



اللي وسط قلبي تمر البال مرور الكرام
طلعّت من زبده سوالفها طعم مقصودها
وأمسيت أغنيها على طرق المواجع والهيام
في ليلة ٍ فيها هواجيسي تعدا حدودها
في ليلة ٍ يطرب لها حي ٍ يعرف الابتسام
فوجيه ناس ٍ لوتبسّم حقدها فسدودها
جيت لمشاعرها من النسيان في قلبي كلام
قلته لها وارتحت وارتاحت وقالت : سودها
حياك نورت الرياض وقلت في قلبي حراام
هي ما درت بان الرياض منوره بوجودها؟!
ولا درت باني كتبت لها قصيده بالغرام!
وجيت اتفرج في ملامحها واشم ورودها!
معها الهوا ياطول مشواره وعمره يا سلام
اخيرا ً استولت على قلبي بعد مجهودها
الجادل اللي من دلعها ماتنام مع الظلام
طرقا ً تنام مع امها على الترف ويزودها
فخرا ً وإجلالا ً بأني معترف لااهل الملام
إني ما ابي الفكه ولا فكرت أفك قيودها
خشيت في عالم مشاعرها وأنا كلش تمام
وأنا إلى الآن اعتبر يا أهل الهوى مفقودها!






وأيضا ً


ودي آصل للرضا وارضيك قبل انطق كلامي
وافتح القلب لهواك ان مر لو لحظه كفايه
اسمعك صوت الغلا واعطيك قدر من اهتمامي
لانبلج شوفي على حسنك وحست بك يدايه
ذكرياتي معك اعيش بها اللي اقبل والاسامي
غير كل حروفك تولي وترحل عن سمايه
والله ان لااحمل علم حبك على متني واحامي
عنك وآقف وقفة اللي مايبي له منك غايه
ياهدُى الحيران في ليل ٍ يئن من الظلامي
لايموت الحب تو الناس حنا فالبدايه
ياهوى الطايف وريحة نجد والورد التهامي
دارت الايام والاوضاع هي نفس الحكايه
عُد لرشدك واسق ظميان ٍ قطع كل المظامي
مايبي الا الما مدام الورد من دونه حمايه
أنقذه تكسب شعور ٍ لو خلطته مع غرامي
فاضت انفاسي وهلت عبرتي بين اخويايه
اعتبر هذا الزمن أتفه زمن وتعيش سامي
حكمة ٍ قد قلتها والله يعلم وش ورايه
قد تعبت ولااسترحت وخاصمت عيني منامي
وقد رُميت ومن رماني كنت اعلمه الرمايه
قد وقد لكن قدرت ارفع واعلّي من مقامي
عن كلام ٍ لو اقوله كان نّزل مستوايه
مالك ان شان الزمان الا قصيدي واحترامي
والك لازان آصلك واعطيك كل مافي يدايه
الهوى معك انت بالذات يتفرع منه اسامي
الجفا والهم والآهات الى مالا نهايه !
الهوى في دربك أحيانا ً يخليني حرامي
لا سريت وجيت يمك اسأل الله الهدايه


وايضا ً


سهيت وريّحت متعة حديثك قلبي المسروق
ونبت جمر السهر فالعين وأنضميت لاحبابك
حبيبي وانت مرسى الحب والرقه ونبع الذوق
عساني ما انحرم من شوف تفاحك وعنابك
تسلهم فاضح ٍ حسنك خجلك وقدك الممشوق
ياملحك لاهدا بالك ! وسال السحر فاهدابك
انا والحب واشواقي وقلبي ياعظيم الشوق
تواعدنا من اللهفه على شوفك على بابك
ترا ماجابني لك غير شوق ٍ ساقني لك سوق
انا اللي جيت لك مشتاق قبل تقول وش جابك ؟
تدلل يابعد حي القصيد وخاطر الطاروق
لو ان جروح قلبي كلها كانت من اسبابك !



وأيضا ً


مديت لك قلبي المغرم وانا اتعّذر
على طبق من ذهب وأهديتك أشواقي
ما كان يطري علي بعدك ولا أتصور
إن أصغر الذنب يهرب بك من أعماقي
وما كان هذا الغلط والذنب خط أحمر
الآدمي ما أمتلك عن الخطا واقي
جعل انكسارات قلبي بالرضا تثمر
ولا تنكسر صورة الأحلام فأحداقي
حبيبتي يا شتاي العاصف الأسمر
كل ما تفرغت لأشعاري ولأوراقي
سال الجفا بيننا؛ والدمع ما قصّر
ليلة غيابك بكيت! وقلت وش باقي
إلا إني اكتب قصيدة عذر وأتكسّر
كسر السنابل لا جف الما من الساقي
الشوق درب ٍ نبت فأدناه شوك المر
وبأقصاه " جنة وهم مغري" لخفاقي
يا قلبي أرفع شراع الحزن وأستغفر
أنا نويت أهرب الليلة من آفاقي
اتمنى ان يعجبكم بدي ردود+تقيم

واخذيني معاكي اذا هربتي هههههههههه
اكيد حلووووو تسلمي